Ni Joseph Elvir C. Tubilan
GIDAGMALAN sa bana ang iyang asawa ug di pa igo iyang gihuboan kini atubangan sa daghang mga pasahero nga sakay sa jeepney.
Usa ka 37 anyos nga lalake mag-atubang og duha ka mga kaso sa Regional Trial Court (RTC) sa dakbayan sa Sugbo.
Ang Cebu City Prosecutor’s Office nirekomendar nga si Mario (tinuod nga pangalan gipugngan) pasakahan sa duha ka mga kaso nga kalapasan sa Republic Act 9262 kon Anti-Violence Against Women and their Children Act of 2004.
Mamahimo siyang kasamtangang gawasnon ning kasong iyang giatubang kay nirekomendar ang piskaliya nga makapiyansa siya sa kantidad nga P24,000.
Kining kaso ni Mario giresolba sa piskaliya human napakyas siya sa pagsumiter sa iyang counter-affidavit sa alegasyon nga gipasangil sa iyang asawa.
Niadtong Sabado sa hapon, ang 35 anyos nga asawa sa suspek nga si Jane (tinuod nga pangalan gipugngan) namahayag sa iyang affidavit nga naglingkod siya sa jeepney sa wa pa mahitabo ang insidente ug niabot si Mario.
“Kanaug diha,†pagkutlo sa asawa sa gisulti sa iyang bana diin nidugang kini sa paghisgot nga “patyon tika karong adlawa kay gisaad ni nako.â€
Gawas niini, kalit nga gibitad ang iyang buhok ni Mario hinungdan nga naigo ang iyang ulo ngadto sa puthaw sa sakyanan.
“Not contented of physically abusing me, he forcibly removed my long pants and panty in front of many passengers,†dugang saysay ni Jane.
Nisaysay ang asawa nga nauwaw kaayo siya sa gibuhat sa iyang bana. Human sa insidente, ang bana gisikop sa kapulisan.
Nitataw siya nga ang iyang bana dugay nang sige kulata niya ug nakadesider na siya karon nga mopasakag kaso batok niini kay di na siya makaagwanta sa mga abuso niini kaniya.
Gipatik sa mantalaang SuperBalita Cebu Septembre 28, 2012.Linkback:
https://tubagbohol.mikeligalig.com/index.php?topic=55241.0
