MikeLigalig.com

http://www.sunstar.com.ph/
Ni Astra Zina D. Logarta ug Astra Zina D. Logarta
Tuesday, February 17, 2015


ANG 27 ka mga sakop sa nabantog na nga dancing inmate sa Cebu Provincial Detention and Rehabilitation Center (CPDRC) gipadala ngadto sa New Bilibid Prison sa Muntinlupa City human nakombikto sa mga kasong ilang giatubang.

Sa 27 ka insular prisoners nga gipadala ngadto sa Munti, sobra katunga kanila dunay silot nga reclusion perpetua kun pagkabilanggo og 20 ngadto sa 40 ka tuig. Usa kanila, babaye.

Sagad nila nakaserbisyo na hinuon og lima ngadto sa walo ka tuig nga pagka-bilanggo sa CPDRC.

Sama ni Ulysess Angtud, 46, kinsa nakombikto sa kasong parricide tungod sa pagpatay sa iyang asawa.

Sa wa pa nilarga, iyang gipakaslan ang bag-o niyang hinigugma nga si Sabrina niadtong Dominggo.

“Sa ikaduhang higayon, dunay tawo nga ni­salig nako, sama sa babaye. Ang akong kaso man gud, parricide, kay akong gipatay akong asawa. Unya nangayo ko sa Ginuo og ikaduhang higayon,” niingon si Angtud.

Ang iyang asawa nihatod niya sa pantalan ug moapas ra usab niya ngadto sa kauluhan aron mas duol sila sa usa’g-usa.

Samtang di pa magkita, handumanan nila ang mga hulagway sa ilang kasal nga kuha sa madre nga nitabang nila.