Ni Bong Soriano/EIM (Banat) Updated June 17, 2011 12:00 AM
CEBU, Philippines - Base sa imbestigasyon sa Women’s Desk sa Mandaue City Police Office pinaagi ni Insp. Mae Ann Renosos, ang biktima usa ka 16-anyos ug tinun-an kini sa high school ug residente sa barangay Labogon dakbayan sa Mandaue.
Samtang ang suspetsado mao si Richard Sumampong, 19, residente sa maong dapit diin mapalgi ang biktima.
Nasuta nga katapusang nakita ang dalagita ug si Sumampong nga nag-uban niadtong Hunyo 12, 2011 apan sukad niadto wala na makauli pa ang dalagita hinungdan sa kabalaka sa mga ginikanan sa 16-anyos ug midangop sa kapolisan.
Sa dihang gisusi sa inahan sa biktima sa panimalay ni Sumampong ang inahan sa suspetsado mipadayag nga wala usab makauli ang iyang anak ug posibleng tua kini sa ilang dapit sa lungsod sa San Fernando.
Wala maglangay ang mga sakop sa Station 3 ug ang Women’s desk pinangulohan ni Renosos ug daling nakig-alayon sa kapolisan sa lungsod sa San Fernando.
Sa dihang ilang natultolan ang panimalay ni Sumampong daling misulod ang kapolisan ug diha nila makit-i ang kahimtang sa biktima nga gikadenahan samtang ang suspek wala na mosukol sa mga awtoridad.
Matud pa sa kapolisan nga mitug-an ang biktima nga gidagit siya sa suspek ug gipanamastamasan samtang siya gigapos og kadena.
Sumala pa ni Renosos miangkon ang suspek sa alegasyon sa biktima.
Human masuta sa eksaminasyon nga positibong nahilabtan ang biktima si Sumampong gibalhog dayon sa karsel ug pasakaan og kasong kidnapping ug pagpanglugos sa usa ka minor de edad. - BANAT NEWS
Linkback:
https://tubagbohol.mikeligalig.com/index.php?topic=41702.0
