Si Marian, 15, gitumbok nga bugaw ingon man ang iyang silingang si Alfie Plando, 22, alyas Kisha, igo na lang sa paghilak dungan sa tumang pagmahay.
Si Sr. Insp. Ma. Theresa Macatangay, chief sa Regional Anti-Human Trafficking Task Force (RATFF-7) nga nahinabi sa mga tigbalita, nagkanayon nga duha ka semana nilang gi-monitor sila si Maria ug Kisha human sila makadawat sa mga impormasyon sa ilang illegal nga kalihukan.
Ang ilang ilegal nga kalihukan on call nga mohatag sa serbisyo sa mga langyaw bugti sa dagkong bayad.
Ang mga menor dad-on sa laing lugar, labina sa mga resort diin mohatag sila og sexual nga serbisyo sa mga langyaw.
Matod ni Macatangay nga atol sa entrapment operation, ninggamit silag booddle money nga P14,000.
Ang matag bayut bayran nilag P3,000, apan ang kuwang adto na ipuno sa lugar diin sila dad-on kunohay.
Ang mga biktima uban nila ni Marian ug Plando nagtapok sulod sa usa ka kan-anan sa General MaÂxilom avenue.
Dihang nidawat sa kwarta ang duha ka mga bugaw, sila gipangpusasan hinungdan nga na-rescue ang walo ka mga biktima.
Si Macatangay niiÂngon nga notado ang duha ka mga bugaw nga anha pirme mag-estambay sa Mango alang sa ilang pagpanguhag kustomer gamit ang menor nga mga bayut nga magbinabaye sa pagsul-ob sa sinena.
Linkback:
https://tubagbohol.mikeligalig.com/index.php?topic=79762.0
