Mga lubot nanghubag; `doktor’ gipa-entrap
Wednesday, June 6, 2012
TUNGOD sa palpak nga operasyon sa pagpadako sa ilang mga lubot ug pagpataas sa ilang mga ilong,
duha ka mga Bol-anon nga ginang nangreklamo ngadto sa Criminal Investigation and Detection Group (CIDG-7).
Kagahapon sa mga alas 10:30 sa buntag, ginamit ang P1,500 nga tag P100 nga papel de banko nga gigamit
sa usa ka decoy, gipahigayon ang entrapment operation sa balay sa suspek nga si Gloria Rabor, 56, minyo, taga Brgy.
Kinasang-an, dakbayan sa Sugbo.
Nakuha sa mga operatiba nga gipangulohan ni Chief Insp. Fermin Armendarez ang mga kagamitan sa pag-opera
sama sa injection, gunting, ginarapang medisina, Band-Aid, gapas, gloves ug uban pang mga gamit
sa pag opera atol sa search sa mga pulis.
Lain nilang nakuha ang mga lighter ug glass tooter nga gituohan sa mga operatiba nga gigamit sa suspek.
REKLAMO
Si Armendarez niingon nga nakadawat sila og taÂÂÂwag sa sa telepuno niadtong Lunes kalabot sa operasyon ni Ramor
nga giingong nagpaka aron ingnon nga usa ka expert medical pratitioner nga mo-enhance sa mga parte sa
lawas sa tawo aron moanindot tan-awon.
Gi-imbitar ni Armendarez ang caller nga usa sa mga ginang nga naoperahan.
Kagahapon sila si Jean (di tinuod niya nga ngan), 34, minyo ug Joy (di tinuod niya nga ngan), 37, dunay tulo ka mga anak,
pulos taga Bohol, kinsang mga bana tua sa abroad, ningtunga sa buhatan sa CIDG-7.
Ang duha ka mga ginang nga nahinabi sa Sun.Star Superbalita nagkanayon nga usa sa ilang mga higala ang
nakasulti kanila labot sa operasyon ni Rabor.
Nipaila kini kanila kang Rabor nga usa ka expert sa pag-usab sa nagkadaiyang parte sa lawas.
Ang duha nga naproblema sa ilang mga sampot nga sapyot ug naulaw nga tawgon og sapyot og lubot,
wa magpanagana sa ilang paghatag og P60,000 matag usa ngadto kang Rabor.
Nihatag usab ang tag-usa kanila og P11,000 aron pagpataloytoy sa ilang mga ilong.
RESULTA SA OPERASYON
Nahitabo ang operasyon niadtong ikaduhang semana sa Pebrero ning tuiga apan handtod karon kanunay
lang sila nagpamati sa kasakit ug kangulngul sa ilang lubot.
Magsige usab og hapdos ang ilang ilong.
Sila nipasangil nga sa unang adlaw sa ilang operasyon kanunay silang takigan ug hilantan.
Gawas niini, duna say ningtumaw sa ilang mga luÂbot nga mga botoy-botoy, lungag-lungag ug ngutÂngot
mao nga maglisod sila sa paglingkod.
Ang duha ka mga Boholana nibati og tumang pagmahay nga nausik ang ilang kwarta kay wa usab masayod
ang ilang mga bana sa nahitabo kanila ug giunsa nila paggamit ang kwarta.
“Among pabayron kay tan-awa, naunsa na ni aÂmong lubot? Maulian pa ba kaha ni?†matod pa ni Jean
dungan sa pagtudlo sa iyang lubot.
“Aw, magpabayad jud ko sobra pa sa among gibayad niya sa pag-opera kay dili lalim ang among giantos nga kasakit, Sus!
Gusto namo mauli ni sa porma sa original,†dason pa ni Joy nga dunay tulo ka mga anak.
SERBISYO
Samtang si Inspector Delfin Bontuyan, usa sa mga operatiba, nitug-an sa Sun.Star Superbalita nga taudtaud nang nag-operate si Rabor.
Ilang nasayran nga nagtanyag kini og serbisyo sa pagpadako sa kinatawo sa lalake.
“Pwede ra ba kuno padak-on ang_____,†matod ni Bontuyan sa iyang text message sa Sun.Star SuperÂbaÂlita.
Sa dihang gikuhaan og pamahayag si Rabor sa Sun.Star Superbalita, siya nikompirmar nga moÂpadako siya
sa kinatawo sa lalake bugti sa bayad nga P100,000.
Si Bontuyan nibutyag usab nga siya ang nakakuha og tooter sa bag sa suspek dihang ilang gihiling.
Hinuon, si Rabor nagdumili sa pagluwat og dugang mga pamahayag labot sa pasangil batok kaniya.
Dunay leksyon nga nakuha ang duha ka mga ginang sa nahitabo kanila.
Matod nila nga kon unsa man ang gihatag sa Ginuo nga lawas, dawaton kini ug di na ipausab pa.
Gipatik sa mantalaang SuperBalita Cebu Hunyo 07, 2012.
Linkback:
https://tubagbohol.mikeligalig.com/index.php?topic=51120.0
Topic: Mga kasong medikal (Read 1400 times)