MikeLigalig.com

Ni Stephanie Viovicente-Berganio
Tuesday, March 1, 2011


SUNOD-SUNOD ang reklamo sa mga pasahero batok niining mga bastos nga mga dispatser sa nagkadaiyang lugar ning siyudad sa Cagayan de Oro labina sa gawas nga bahin sa mga dagkong establismento ning siyudad.

Pipila ang nagpadala sa Sun.Star Superbalita Problema Mo I-text Mo kalabot usab niining mga bastos nga mga dispatser nga giingong manghinol sa lawas sa mga pasahero ilabina sa mga sexy nga babaye, mga tinun-an ug uban pa.

Gawas niini walay insakto nga modo ug magsininggitay tunga sa dalan labina usab ang pagpamalikas nga dili maayo sa pagdungog labina sa kabatan-onan.

Tungod niining maong reklamo, si Konsehal Alden Bacal, kinsa chairman komite sa Public Utilities sa konseho hugot nga miawhag sa kadagkoan sa Roads and Traffic Administration (RTA) nga unta mopahigayon og clearing operations sa kadalanan kalabot ninining badlungon nga mga dispatser.

Gipasabot ni Bacal nga subay sa ordinansa sa dakbayan, gitugot lamang ang mga dispatser sa mga gitumbok nga mga terminal sa siyudad.

Dugang niini nga angayan lamang nga mabadlong kining mga dispatser aron mahunong na ang ilang pagpamastos sa mga pasahero.

Pipila usab sa mga driver sa dyip nga nahinabi sa Sun.Star Superbalita nalipay nga nahatagan kini sa pagtagad sa konsehal.

"Dugay naman na ang mga in-ana nga mga dispatcher, bisan asa ka maghunong kalit lang motunga…masuko raba kung dili sila tagaan bisan isa ra ang nisakay," ni Ronnie Oyao kinsa driver sa Lapasan Liner.

Nasayran gikan niini nga moabot sa 10 kapin ka mga dispatser ang ilang maagian sa ilang rota nga kasagaran nagpakita og dili maayong pamatasan labina ang pagbahad-bahad kung dili mahatagan.

Gihinaot niini nga kung dili sila mapapahawa labina kining pipila ka dispatser nga unta madisplina ang mga batasan niini.


Gipatik sa mantalaang SuperBalita Cagayan de Oro Marso 02, 2011.

Quote from: hubag bohol on March 02, 2011, 03:02:27 PM
Pipila ang nagpadala sa Sun.Star Superbalita Problema Mo I-text Mo kalabot usab niining mga bastos nga mga dispatser nga giingong manghinol sa lawas sa mga pasahero ilabina sa mga sexy nga babaye, mga tinun-an ug uban pa.

Oi, hayahaya gud! Hmm, basin wa tuyoa, nasaghiran lang... 

mga bastos gyud, basin dala panguot ilang tuyo...

Quote from: statesville on March 05, 2011, 07:08:47 AM
mga bastos gyud, basin dala panguot ilang tuyo...

Sauna sa Cebu nakasaksi ko ani, perting gubota kay nagyawyaw mag maayo ang babaye. Madala ra tingali unta kon paa ray gihinol, ang kuan man jud...