Ni Guam P. Logroño
Friday, February 25, 2011
BUN-OG nga ni-report sa kapulisan sa lungsod sa usa ka bayut nga giingong gitabangan pagbugno sa miaging kaadlawon sa duha ka laing mga bayut tungod sa giingong panag-ilog nila sa usa ka lalakeng macho sulod sa videokihan sa Bahak, Brgy. Poblacion, Liloan, Sugbo.
Si Keenjie Tundag, 23, taga Sitio Sambag, Barangay San Vicente sa nahisgutang lungsod, nakaangkon og mga bun-og sa iyang lawas kay nabunalan sa lingkuranan atol sambunutay sa laing mga bayut.
Iyang gikaaway ang mga suspek nga giilang sila si Ricardo dela Serna, 49, alias “Antoy†dunay parlor, nagpuyo sa nahisgutang lugar, ug usa ka ginganlag “Eva,†taga lungsod sa Consolacion, nga kalit lang nahanaw human sa pagpangulata.
Si PO2 Routchil Jugalbot sa Lilo-an police station nga nahinabi sa Sun.Star Superbalita nagkanayon nga ang gikaaway sa biktima mao si “Eva,†nga ilang atraso niadto pang Nobiyembre sa miaging tuig.
Giingong nag-inom sila si Tundag ug Eva sa ilang lugar uban sa mga machong lalake nga ilang nakursonadahan apan nahitabo ang ilang panag-away kay nanag-ilog.
Apan nag-abot sila og usab sa videokihan.
Dihang nakit-an ni Eva ang biktima nga nagkanta-kanta uban sa mga lalake sa miaging kaadlawon nga iya gihapong gidumtan iya kining gihasmagan, gilabnot ang buhok hinungdan nga nahitabo ang lamok-lamok, sumala pa ni Jugalbot.
Ang biktimang dakuong pagkatawo samtang ang si Eva gamay ra og lawas nisukol sa binugno-ay.
Apan sa ilang pagkombate, si de la Cerna nga wa untay labot nikuha og banko ug gibunalan ang biktima.
Ang insedenti maoy nakapaukay sa mga residenti sa nahisgutang dapit gumikan sa kaisog usab sa mga bayut nga nagkinumutay, pinatiray ug binunalay tungod lang sa lalake.
Hinuon ang lamok-lamok nauwang sa mga tawo sa lugar diin gipadala sila sa barangay hall aron mahusay, apan wa magkasabot tungod kay nisibat na si “Evaâ€.
Tungod sa kalambuan, giimbetar si de la Cerna sa police station ug nagkasabot nga di na lang padak-on ang maong kaso hinungdan nga bayran na lang niini ang mga nagasto sa biktima sa iyang pagpatambal sa iyang mga bun-og.
Giingong nagkasabot ang duha nga mag-uliay na lang sa maayong kabubot-on ug di padak-on ang away tungod sa mga lalake.
Gipatik sa mantalaang SuperBalita Cebu Pebrero 26, 2011.
Linkback: https://tubagbohol.mikeligalig.com/index.php?topic=38287.0
