Ni Guam P. Logroño
Sun Star
MITUASIK ang utok sa usa ka panday human gipusil patay sa iyang silingang panday sa miaging gabii sa Barangay Langob, lungsod sa Argao, Sugbo.
Si Rex Ngujo, 44, minyo, panday, samdan sa ulo human gipusil sa iyang silingang panday nga si Noel Gecera, 36, minyo, alias Tata, kinsa daling nisibat human sa krimin.
Si PO2 Benjamin Herozaga, desk officer sa Argao Police nga nahinabi sa Sun.Star Superbalita, si Rex uban sa iyang asawang si Anecita didto sa tindahan sa ilang silingang si Maymay, dihang ilang gikaabot si Gecera.
Si Noel kalit lang nagyawyaw ug nibuhi og mga pulong nga “Biliba ko nimo, Bay! Nahurot man ang akong bilib nimo.â€
Samtang ang biktima gikatahong nitubag nga “Ayaw hutda ang imong bilib kay wa nay mahabilinâ€.
Human niini, kalit nga nibunot sa wa matinong armas ang suspek diha sa iyang hawak ug gipusil sa ulo ang biktima hinungdan nga maayong pgkabungkag nga ang utok nitu-asik samtang siya nagbuy-od sa yuta.
Si Herozaga nagkanayon nga ang motibo sa krimen mao ang dugay nang panabangi sa asawa sa biktima ingon man asawa sa suspek.
Giingong makadaghan na nag-abot ang mga asawa niini sa barangay hall sa ilang lugar hinungdan nga wa nila isalikway ang posibilidad nga naglinabanay nga nisangko sa pagpatay.
Linkback:
https://tubagbohol.mikeligalig.com/index.php?topic=41506.0