by Brigada News
Davao City - PRISOHAN na karon ang puy-anan sa usa ka misis human nasakpan sa iyahang bana nga nakigdulog ug laing lalaki sa mismong giabagang balay nila sa Dona Paz, Sasa ning dakbayan sa Davao alas 2:45 sa buntag atol sa Mother’s Day Celebration.
Giila ang misis nga mao si alyas Salvie, 37 anyos ug ang lalaki nga kabit niini nga nailhang si Simon Lugatiman, truck helper.
Segun sa kapulisan, personal kunong miduol ang biktimang bana nga si Joe-an Penaflor, 35 anyos, sekyu sa usa ka Mall dinhi sa dakbayan sa kapulisan aron ipa-blotter ang iyahang mga nasayran nga giluiban kuno siya sa iyahang asawa.
Busa niadtong higayona, nagpakitabang na kini sa kapulisan aron sakpon sa aktuwal nga higayon ang asawa niini ug ang kabit nga lalaki.
Pila ka oras ang milabay, malampusong nasakpan na gayud sa mga otoridad uban si Penaflor ang asawa niini ug ang lalaki nga nagdulog sa ilahang lawak.
Apan paspas nga nakadagan ang lalaki kinsa dala pa niini ang brief ug mga sanina nga miambak sa likod nga bahin sa kusina.
Kasong adultery ang atobangong kaso sa misis ug sa maong kabit niini.(Angel de Vera)
Linkback:
https://tubagbohol.mikeligalig.com/index.php?topic=50590.0
