Nila ni Lesley Caminade ug Ria Mae Booc (Banat) Updated October 02, 2012 12:00 AM
CEBU, Philippines - Patay ang usa ka tuig nga batang babaye human giunay og dunggab sa iyang 16-anyos nga inahan kinsa nag-unay usab og dunggab sa iyang dughan ug talandugon ang kahimtang pasado alas-5 ang takna sa miaging hapon sa sitio Kalingking barangay Saavedra lungsod sa Moalboal.
Sa pakighinabi sa Banat News ni PO2 Rommel Gako, imbestigador sa Moalboal Police Station misaysay kini nga samtang nagkagod og lubi ang apohan sa 16-anyos nga inahan kalit lang siya nga nakadungog sa siyagit sa inahan sa bata.
Sa pagsusi niini sa sulod sa ilang balay nakita niini ang 16-anyos nga naglunang na sa kaugalingong dugo ang manag-inahan. Dali siyang nanawag og tabang sa mga silingan ug gidala ang duha sa tambalanan.
Matud pa ni Gako ang bata natulog dihang gihimo sa suspek ang krimen ug wala gani kini makasiyagit.
“Wa gyud kuno nihilak ang bata pagdunggab diha na nabantayan ang insidente nga ang inahan na ang nisyagit,†matud pang Gako.
Ang inahan sa bata kinsa nakahinabi sa Banat News pinaagi sa telepono sa iyaan niini nga maoy iyang kauban sa tambalanan human sa operasyon miingon nga nasayod siya sa iyang gibuhat apan wala niya kapugngi ang kaugalingon.
“Nakatimaan man ko pero ambot kay mura man ko ug wala na’y kaluoy gusto ko’ng muhilak pero wala may mugawas nga luha sa akong mata,†matud pa sa 16-anyos.
Ang iyaan sa 16-anyos nga maoy nakahinabi sa Banat News/The Freeman mibutyag nga ang nakapamabdos sa suspek ang iyaha rang igsuon (uyoan sa 16-anyos) dihang atoa pa kini sa Manila ug ilaha lang kining gihilom aron walay samok. “Amo lang naman to gikalimtan nga namabdos ra pud siya sa akong igsuon aron walay samok,†matud pa sa iyaan. Sumala pa sa iyaan nga gisamokan ug naglagot ang iyang pag-umangkon (16-anyos) sa mga rashes sa panit sa anak bisan pa man gitambagan niyang natural lang kini sa batang magngipon.
“Akong gitambagan nga ingon ana gyud na kay gangipon man ang bata pero mawala ra na…paminaw ko nayawaan gyud siya atong higayona,†matud pa sa iyaan.
Ang masuso gidala pa unta sa Municipal Health Center apan gideklarar kini nga patay na tungod sa naangkong daghang samad dinunggaban sa iyang kalawasan ilabi na sa dughan, samtang ang inahan usab gidali og dala sa Vicente Sotto Memorial Medical Center. (Lesley Caminade ug Ria Mae Booc/EIM) (BANAT NEWS)
Linkback:
https://tubagbohol.mikeligalig.com/index.php?topic=55415.0
Topic: Masuso giunay og dunggab sa iyang 16-anyos nga inahan patay (Read 891 times)