Ni Joy F. Tumulak
Friday, August 12, 2011
MASUSO nga giingong buhi pa dihang gilubong sa gituohan nga inahan sa miaging buwan nakawtan sa miaging gabii sa mga barangay official sa Camputhaw, sa siyudad sa Sugbo duol sa tunghaan.
Usa ka babaye nga caller ang nitawag sa barangay hall labot sa iyang nakitang paglubong sa babaye sa pito ka buwan nga puya.
Apan nagduda ang mga barangay official nga ang nanawag mao ang inahan sa bata nga nakonsensya na sa iyang gibuhat.
Ang bata gibana-bana nga pito na ka buwan ang pangidaron, di na maila ang iyang kinatawo tungod kay hapit na madugta ang tibuok niyang kalawasan.
Si barangay konsehal Jeffrey Tumulak nga nahinabi sa Sun.Star Superbalita nagkanayon nga nakadawat sila og tawag pasado alas 9 sa gabii niadtong Huwebes.
Ang babaye nagpaila nga usa ka “Jenelyn Mendoza.â€
Si Mendoza nagkanayon nga siya saksi sa paglubong sa usa ka “Mae†sa bata nga buhi pa sa miaging buwan.
“Nakita gud niya nga nagsigi pa og lihok-lihok ang bata pagbutang sa lungag,†matod pa ni Tumulak.
Ang maong babaye nibutyag sa lugar diin gilubong ang bata nga nahimutang duol sa tunghaan sa barangay.
Ningresponde ang mga barangay tanod.
Sa ilang pag-abot sa dapit nga bakante nga gihulagway sa babaye, ilang nakita nga may kinawtan ug may nagliundok nga yuta nga gidat-ogan og dakong bato.
Ilang gikawot ang nagliundok nga yuta nga gibana-bana nga taga tuhod ang giladmon.
Ilang nakita ang bata nga giputos pa og panapton nga hapit na madugta.
Pinaagi sa pag-abag sa kapulisan, ilang gipangita si Mendoza sa dapit, apan way ni bisan usa ka tawo nga nakaila kaniya.
Nahibudngan usab sa mga sakop sa Homicide Section nga sa milabayng buwan pa gilubong ang bata ug nasaksihan unta sa mao nga babaye, apan sa milabay nga gabii pa siya nisumbong sa barangay hall.
Ang lawas sa bata anaa na karon sa usa ka punerarya sa siyudad. --
Gipatik sa mantalaang SuperBalita Cebu Agosto 13, 2011. Linkback:
https://tubagbohol.mikeligalig.com/index.php?topic=42905.0
