Tuesday, May 26, 2015
USA ka sekyu ang gikawatan og armas human makatulog alas 4:30 sa kaadlawon sa Barangay 38, Dakbayan sa Cagayan de Oro.
Ang sekyu gi-ilang si Martin Pontevedra, lumad nga taga Cadingilan, Bukidnon ubos sa ahensya nga ANKAA Security Agency Inc.
Sa inisyal nga imbestigasiyon sa kapolisan sa Cogon, nasayran nga samtang natulog ang guwardiya sa gibantayang patigayon sa Captain Vicente Roa Street, namat-an niini nga aduna'y motorsiklo ang kalit nga mipalayo sa maong dapit.
Nasuta niini nga nawala na ang sling bag nga kolor brown diin sulod niadto ang kalibre .38 nga isyu nga armas kaniya nga adunay serial number nga 1353199 ug lisensiya niini. (KCS)
Gipatik sa mantalaang SuperBalita Cagayan de Oro Mayo 26, 2015.
Linkback:
https://tubagbohol.mikeligalig.com/index.php?topic=80049.0
