Ni Guam P. Logroño
Saturday, March 30, 2013
MAG-UUMA napakyas sa paglugos sa iyang siliÂngang biktima nga nisukol kaniya.
Nakugang usab ang biktima kay kalit lang nga nihilak ang suspek dihang iyang gisuklan taliwa sa kamaisan sa Brgy. Caliongan, Dalaguete, Sugbo niadtong gabii sa Huwebes Santo.
Si Rose (di tinuod niyang ngan), 19, dalaga, diriyot ma-rape sa suspek nga si Celedonio Macapaz, 46, biyudo, dunay bag-ong kapuyo, lumad nga taga dakbayan sa Toledo.
Si SPO1 Maria Fe Isedro, chief sa Women’s and Children’s Protections Desk (WCPD)sa lungsud sa Dalaguete nga nahinabi sa Sun.Star Superbalita, nagkanayon nga ang biktima nagsag-ob og tubig mga alas 6:15 sa gabii.
Samtang padulong siyang mopauli sa ilang balay, iyang gibala ang container sa tubig nga gisulod sa bukag.
Apan sa kalibunan ug mingaw nga dapit, nibutho sa iyang likod ang suspek.
Gitukmod siya ug gibira ang bukag dayon gidala siya sa kalibunan.
Gihubo-an siya sa shorts ug underwear samtang kusgan kining nagkupot kaniya ug nisampong sa iyang baba.
Gipanghinol ang pribadong bahin sa iyang lawas.
Nipatong na unta kaniya ang suspek, apan nangÂlimbasog siyang di makuha, iya kining gisikaran hinungdan nga nabulintang.
Nakahigayon siya sa pagdagan, apan gigukod ug naapsan siya sa suspek ug gilabnot ang iyang buhok ug giguroy siya ngadto sa kamaisan.
Nisukol siya ug nadapatan niya ang suspek samtang nagsige siya og hilak.
Nakurat ang biktima kay samtang siya nihilak, kalit nga nagminatay og hilak ang suspek.
“Pwerting katingala sa biktima kay mi-apil sab sa pagminatay og hilak ang suspek. Wala matiwas sa paglugos kay duna may tawong mi-agi duol sa kamaisan. Nangayo siyag (biktima) panabang mao nga mikaratel sab kini sa pagdagan,†dugang ni Isedro.
Nipauli ang biktima ug gitug-an niya sa iyang mga ginikanan ang gihimo sa suspek, kinsang kapuyo mao ang iyaan sa biktima.
Pagka-Biyerynes sa buntag gi-report sa kapulisan ang hitabo hinungdan sa pagkasikop sa suspek.
Apan nanghimakak si Macapaz sa pasangil kay wa siyay kalibutan sa gipasangil sa pag-umangkon sa iyang kapuyo sanglit wa siyay kalibutan niadtong Huwebes sa gabii kon unsay iyang nabuhat tungod sa kahubog.
Karong Lunes, pasakaan nilag kasong attempted rape ang suspek.
Linkback:
https://tubagbohol.mikeligalig.com/index.php?topic=71649.0
