Tuesday, March 15, 2011
WA pa gihapon igkita ang usa ka mananagat nga gitahong nawala sa lawod sa dihang nanagat atol sa pagdaut sa panahon didto sa lalawigan sa Davao del Sur.
Nasayran nga migikan sa ilang balay ang 50 anyos nga si Arturo Daya, minyo ug nagpuyo sa Sityo Lacobe, Barangay Talagutong, lungsod sa Don Marcelino, Davao del Sur, niadtong Marso 10 ning tuiga.
Tungod sa kabalaka sa pamilya sa gidangatan ni Daya, midangop sila sa kapulisan niadtong Dominggo.
Sumala sa pamilya nga ang biktima sakay sa bangkang de motor kay managat bisan og daut ang panahon.
Wa magdahom ang pamilya nga di kini makabalik mao nga nangayo na sila og tabang sa lokal nga gobyerno sa lugar.
Hasta mga silingang mananagat nitabang na sab pagpangita kang Daya ug naglaum nga way dautang nahitabo kaniya.
Gisugdan na sa kapulisan ang search and rescue operation aron makit-an si Daya sa lawod diin siya nanagat. (Dondon Dinoy)
Gipatik sa mantalaang SuperBalita Davao Marso 15, 2011.
Linkback:
https://tubagbohol.mikeligalig.com/index.php?topic=39044.0
