| More | Ni Guam P. Logroño
INAHAN nga nagsige og basa sa mga horror coÂmics ingon man gibiyaan sa iyang kapuyo midunggab patay sa iyang usa ka tuig kapin nga anak nga babaye ug human nagdunggab sa kaugalingon ginamit ang kitchen knife sulod sa ilang balay niadtong Dominggo sa alas 5:30 sa hapon sa Sitio Kalingking, Barangay Saavedra, lungsod sa Moalboal.
Ang bata nga usa ka tuig ug siyam pa ka buwan namatay sa pito ka mga samad dinunggaban sa dughan samtang kretikal ang inahan nga si Margie (di tinuod niyang ngan), 16, human magduslak sa iyang dughan.
Giatiman siya sa Vicente Sotto Memorial Medical Center (VSMMC).
Si PO2 John Robert Sacan, desk officer sa MoÂalboal Police Station nga nahinabi sa Sun.Star SuÂperbalita, nagkanaÂyon nga ang inahan gikataÂhong naguol human ang lalaking maoy amahan sa iyang anak mibiya kaniya.
Ang lalake toa sa Manila nanimpalad samtang ang inahan uban sa iyang anak babaye nitipon sa iyang pamilya ug bag-uhay lang naabot diha sa Moalboal, sanglit didto kini sa Tuburan magpuyo.
Gipadayag ni Sacan nga dunay mental disorder ang inahan ug wa mokaon sa miaging mga adlaw tungod sa problimang gihambin sa ilang kahimtang uban sa iyang anak.
Ang uyoan niini nga si Arnold Bandic, 25, habal-habal driver, nibutyag nga nag-estorya sila sa iyang igsuong lalake nga amahan sa 16-anyos gawas sa ilang balay.
Nakugang na lang sila sa ilang nakita nga diha sa bintana ang iyang 16- angyos nga pag-
umangkon nga nagduslak sa kutsilyo sa tuong bahin sa dughan.
Gidali nila sa pagdagan aron tabangon apan sa ilang pagsulod sa balay, nisugat sa ilang panan-aw ang anak niini diha sa sawog nga naglunang sa kaugalingong dugo nga natusaktusak sa mga samad dinunggaban.
Nahagba ang inahan kay nawad-an sa iyang panimuot hinungdan nga gidali nila sa pagdala sa Badian District Hospital, apan tungod sa iyang kahimtang nga grabi gibalhin sa VSMMC.
Ang uyoan niingon nga gawas sa kutsilyo nga ilang nakit-an sa crime scene, nakuha sab nila ang Tagalog komiks nga horror story nga maoy gibasa-basa sa inahan sa bata pipila na ka buwan.
Sagad sa mga estorya may kalabot sa tiyanak.
“Problematic kaayo ni siya kay sukad sa pagkabuntis aning inahan, gibiyaan man di-ay ni sa lalake nga amahan sa bata. Unya samutan pa nga walay ganang mokaon,â€â€™ dugang ni PO2 Sacan.
Si PO3 Cris Gako, imÂbestigador sa Moalboal Police nga nahinabi sa Sun.Star Superbalita, niingon nga kritikal pa kagahapon sa hapon sulod sa VSMMC ang inahan kay nakaangkog daghang samad sa dughan.
Matod niya nga ang kabanay nga nakasulod sa operating room nibutÂyag nga usa ka samad diÂha sa tuong dughan may igong giladmon ug duna pay daghang dinunggaban sa dughan.
Gibutyag niya nga ang kabanay nitug-an nga niadtong miaging adÂlaw, gipahilot ang kuto-kuto niini tungod kay naglain ang lawas, di makatulog ug mokaon.
Gipatik sa mantalaang SuperBalita Cebu Oktubre 02, 2012.
Linkback:
https://tubagbohol.mikeligalig.com/index.php?topic=55425.0
