MikeLigalig.com

Ni Raymond D. Abarcas/EIM (Banat) | Updated October 15, 2015 - 12:00am


CEBU, Philippines - Patay ang usa ka lalaki human siya giduslak og katana (samurai) sa iyang maguwang tunga-tunga sa ilang panaglalis diha sa barangay Dumlog dakbayan sa Toledo.

Ang namatay mao si Isidro Berian Jr. ,24, nga gikatahong gidunggab sa iyang maguwang nga si Gerwin Berian, 25, nagpuyo sa nahisgutang lugar.

Base sa imbestigasyon sa kapulisan sa Toledo City Police Station, ang igsuon sa duha nga si Janelyn mibutyag nga nagkalalis ang iyang mga igsuon nianang tungora.

Kini human nagkalalis ang duha kay wala pagawasa sa maguwang nga si Gerwin ang ilahang ama-ama  nga giingong hubog nianang tungora.

Tungod sa kalagot sa maguwang mikuha kini sa espada (katana) ug gidunggab ang iyang manghod.

Gidali pagdala ang biktima sa Toledo City Hospital apan gideklarar kini nga patay na.

Ang suspek boluntaryong nitahan  sa iyang kaugalingon ngadto sa kapolisan. (BANAT NEWS)