MikeLigalig.com

By RMN Gensan
Brutal nga pagpatay ug paglabay sa usa ka lalaki sa Tupi, gipalawman pa ang imbistigasyon

General Santos City--Padayon pang gi-imbistigahan sa Tupi Municipal Police Station kung si kinsa ang posibleng mga suspect  sa brutal nga pagpatay ug paglabay sa lawas sa biktimang si Romel Evangelista, 31 anyos nga taga Silway, Barangay Fatima Gensan kansa  una nang nakaplagan sa barangay Kablon, Tupi, South Cotabato.

Nasayran nga alas 7:30 sa buntag dihang nakaplagan ang patayng lawas sa biktima sa maong lugar.

Sumala pa ni Police Major Verlin Pampolina ang hepe sa Tupi Municipal Police Station nga nakadawat sila ug report gikan sa mga  Concern Citizen nga dunay patayng lawas sa usa ka lalaki sa lugar mao nga gilayon nilang girespondihan.

Base sa inisyal nga pagsuta sa kapulisan sa patayng lawas sa biktima, napuno ug samad dinunggaban ang lawas.

Nakatali ang duha ka mga kamot ug duna usab kini timailhan nga siya gituok. Sa kinatibuk-an adunay mukabat sa 36 ka mga samad dinunggaban ang biktima kansa hinungdan sa iyang kamatayon.

Samtang basi usab sa pakighinabi nila sa pamilya sa biktima, napreso kini sa Bula Police Station tungod sa kasong pagpangawat,  apan wala mingreklamo ang biktima niini mao nga siya gibuhian, pauli na unta ang biktima uban sa iyang asawa ug anak pag abot sa mag magsaysay avenue didto na kini giharang sa puti nga van dayon gidagit.

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91899.0