SuperBalita Cebu
Ni Guam P. Logroño
Wednesday, December 10, 2014
MAGTIAYONG negusyante nga nidaog sa suerÂtres lotto nangaluspad ug nangaminghoy sa pag-abot sa ilang balay gikan nag-claim kay naÂbiktima sa lungkab.
Mga mahalong alahas ug cash nadala sa wa mailhing k******n niadtong Martes sa alas 9:00 sa gabii gikan sa ilang balay sa DAS Village 1, Barangay Das, dakbayan sa Toledo.
Nagpangusmo sa kasuko ug nagpangagot sa kalaÂgot ang magti-ayong Jennifer Hurboda, 37, ug asawang si Margie, 35, distributor og softdrinks ug tigpatanto sa ilang luÂgar human giutingkay sa k******n ang tibuok nilang balay.
Si SPO2 Thule Tahadlangit, imbestigador sa Toledo Police Station nga nahinabi sa Sun.Star Superbalita, nagkanayon nga mokabat sa kapin sa P80,000 ang cash nga nahanaw, ingon man bulawang bracelet nga mobalor og P10,000.
Si Tahadlingit niingon nga ang magti-ayong Hurboda, nakadaog sa bola sa suertres raffle draw sa Philippine Charity Sweepstakes sa kantidad nga P9,000 human sila nipatad sa ilang number combination balig P20.
Apan di nila ma-claim ang maong kantidad sa outlet sa ilang lugar hinungdan nga mga alas 11:00 sa buntag niadtong Martes, mibiyahe sila sa dakbayan sa Sugbo aron sa pag-claim sa daog sa regional office sa PSCO.
Human sa pag-claim, ang magtiayon nihapit sa pagÂsuroy sa dakbayan sa SugÂbo uban sa ilang anak hiÂÂnungdan nga gabii na naÂabot sa panimalay mga alas 9.
Linkback:
https://tubagbohol.mikeligalig.com/index.php?topic=79367.0
