MikeLigalig.com

Gilayog og ukoy

Ang mananagat nga si Ruben Zambo, 52, nagbutyag nga sukad 13-anyos nga siya nangisda sa lawod, niadtong higayona pa lamang siya nakakita og usa ka di matino nga isda o daw sama sa tawo nga miduol sa magtiayon.

“Misiyagit ang bana og tabang dungan sa pagdagan sa daplin sa baybayon kay silang duha gigakos daw og dako kaayo nga wa nila mailhing matang sa hayop o nilalang,” niya pa.

Dihang giiwagan sa flashlight sa mananagat ang tubig nga kusog kaayong mikanaas, iyang nakita ang kolor brown nga sama sa “dugong.”

“Di mailhan ang lawas unya naay ikog, unya mao daw to ang nilabtik sa asawa. Pag-adto namo, taud-taod naglutaw na ang iyang asawa pero amo dayong gitabang,” sulti niini.

Wala na matabang sa Davao del Sur Provincial Hospital ang biktima human gideklara sa nag-atimang si Doktora Myra Macarampat nga patay na.

Linkback: https://tubagbohol.mikeligalig.com/index.php?topic=82959.0

Ekonomiya apektado

Kalit nga namingaw ang dagat nga matud sa mga molupyo wala nay naligo sukad niadtong adlaw’ng Huwebes, Oktubre 13, dihang nasayud sa nahitabo sa kahadlok nga adunay ukoy sa maong lugar.

Bisan ang mga mananagat nahadlok nga mopalawod apan wa silay mahimo gawas sa pagsugal sa ilang kinabuhi aron adunay ipakaon sa pamilya.

Sa kasamtangan, dakong tanghaga sa mga molupyo ang nahitabo sa magtiayon human wala sila masayud kon unsa gayud ang nigakos sa magtiayon nga miresulta sa pagkalumos sa asawa ug kinawrasan sa bana.

Wala pa miguwa ang resulta sa otopsiya sa tambalanan dihang gisubay ning tigsuwat niadtong Biyernes, Oktubre 14, sa buntag.


Gipatik sa mantalaang Superbalita Davao Oktubre 14, 2016.

Linkback: https://tubagbohol.mikeligalig.com/index.php?topic=82959.0

Aw, kon way ukoy, ang bana jud ang primary suspect...

Linkback: https://tubagbohol.mikeligalig.com/index.php?topic=82959.0