Ni Guam P. Logroño
Monday, April 1, 2013
MAG-UUMA nga nahiÂnaÂnok sa pagkatulog diretÂsong namatay human rakÂraki ug napalgan sa iyang igsuon niadtong DoÂmingÂgo sa alas 8 sa buntag sa bukirang lugar sa Barangay Salagmaya, Alcantara.
Si Rene Remotigue, 21, ulitawo, mag-uuma, naglunang sa ka-ugaliÂngong dugo nga daghan og samad pinusilan sa nagkadaiyang parte sa lawas dihang napalgan sa iyang igsuon nga si Marisa sulod sa kamalig sa mais.
Si SPO1 Christopher Bani, imbestigador sa AlÂcantara Police nga nahiÂnabi sa Sun.Star Superbalita nagkanayon nga ang biktima nag-inusarang natulog sa kamalig.
Si Marisa niapas sa iyang igsoon sayo sa buntag aron unta tawgon alang sa ilang pagpamahaw, apan way nitubag dihang gisangpit ang ngalan niini.
Wa maglangay si MaÂrisa kay wa man motubag ang iyang igsuon, iyang gi-ablihan ang purtahan apan maoy nisugat sa iyang mga mata ang nagkadugo ug patay niyang igsuon.
“Posibling gabii ni siya gibirahan samtang natulog kay uga naman ang mga dugo niini dihang napalgan sa kamalig. NagÂlisod ta sa pag-ila sa suspek samtang ang mga silingan dili cooperative. Wala daw silay nadungog nga buto-buto,†dugang ni Bani.
Ang mga kabanay ningÂpadayag nga way konÂtra ang ilang anak samÂtang wa sab kiniy records sa police station ingon man sa barangay.
Apan wala nila isalikway sa kapulisan nga posibling dunay problima sa yuta sa nahisgutang lugar nga maoy rason sa pagpatay sa biktima.
Nanguha pa silag dugang mga ebidensiya ingon man gisubay ang ubang mga anggulo sa krimen.
Sa crime scene, narekuber sa kapulisan ang 11 ka mga kabhang sa bala sa kalibre .45, tulo ka mga slug sa kalibre .45.
Ang samad sa biktima sagad sa iyahang buko-buko.
Gipadayag ni SPO1 Bani, nga kadudahan kaayo ang sulti sa mga silingan nga morason nga wa silay nabating buto-buto sa armas sanglit mingaw ang dapit ug dali ra madungog kon dunay pagpamusil nga mahitabo.
Linkback:
https://tubagbohol.mikeligalig.com/index.php?topic=71674.0
