SuperBalita Cebu
Saturday, April 5, 2014
MGA madre nga nanag-ampo sulod sa monasteryo gisulod sa usa ka tawo nga giingong adunay deperensiya sa pangisip bitbit ang sundang, nitigbas sa makadaghan sa ilang kauban.
Wa magdahom ang mga madreng sakop sa Franciscan Sisters Monastery sa Barangay Sacsac, Consolacion, nga dunay tawo nga makasulod sa paril kay taas kini kaayo.
Apan nahimo kini sa suspek nga giingong nadaot ang utok tungod sa pagsegig orasyon ug ampo sa iyang mga habak pinaagi sa pagkatkat sa kahoy dayong ambak padulong sa sud alas 8 kagahapon sa buntag.
Si Senior Inspector Franco Oriol, hepe sa Consolacion Police Station nga nahinabi sa Sun.Star Superbalita, niila sa suspek nga si Romilo Cordillera Tampus, 26, taga sityo Tumilhaw, barangay Tolo-tolo.
Samtang ang biktima giila nga si Annabel Macas, 36.
Matod ni Oriol nga ang monastery gikoral og semento nga adunay gitas-on nga napulo ka tiil.
Apan ang suspek giingong' nisaka usa ka punoan sa kahoy nga nahimutang kilid sa koral bitbit ang sundang nga adunay gitas-on nga 19 pulgadas ug dayog layat paingon sa sulod.
Sa dihang nakasulod, niadto siya sa dapit diin nag-ampo ang mga madre ug sa way igong hinungdan nanigbas.
“Nagdinaganay ang mga madre. Natumong man sad nga ting-ampo nila. Kining biktima mao nay nahabilin, mao ni iyang nahinaykan og tigbas,â€matod ni Oriol.
Human sa hitabo, ang gikatahapan daling nisibat agi ra usab sa ilang gate, samtang ang biktima nga samdan sa iyang ulo ug nagkadaiyang bahin sa lawas, daling gidala sa pribadong tambalanan sa dakbayan sa Sugbo ug gikatahong anaa sa kritikal nga kahimtang.
Matod ni Oriol nga sa ilang gihimong follow-up operation, ilang nasikop ang gikatahapan didto ra usab duol sa ilang balay. (DRT)
Linkback:
https://tubagbohol.mikeligalig.com/index.php?topic=78092.0
