MikeLigalig.com

Ni Edgar Vilbar/EIM (Banat) Updated May 19, 2011 12:00 AM


ORMOC CITY, Philippines  â€" Usa ka mabdos nga kaswal nga kawani sa siyudad sa Ormoc ang na-comatose human siya maigo sa kilat sulod sa iyang panimalay kagahapon diha sa barangay Sabang Bao sa samang dakbayan.

Ang na-comatose mao si Jocelyn Romero, 40, nga nagtrabaho sa Ormoc City Health Department nangandam unta sa ilang paniudto dihang kalit nga naigo og kilat ang punoan sa Gemelina duol sa ilang balay.

Ang giingong kuryente milatay sa hayhayang alambre nga gihikot sa maong punoan sa kahoy padulong sa ilang kusina.

Tungod sa kakusog sa boltahe nangalagpot si Romero ug ang iyang anak. Nasuta nga niadtong tungura nagkupot og kutsilyo si Romero.

Ang bana ni Romero nga si Randy dihang nakahinabi sa Banat News/The Freeman miingon nga napaso ang ilang 4-anyos nga anak ug ang bata maoy midagan ug nangayo og tabang sa apohan niini kabahin sa nahitabo.

Si Randy kinsa diha ra usab duol sa ilang balay daling misulod ug nakita ang iyang asawa nga wala nay panimuot diha sa salog ug nasunog ang buhok ug tiyan niini.

Matud pa niini ang zipper sa shorts nga ginama sa metal nalanay nga maoy nakapaso sa tiyan sa iyang asawa.

Ang usa sa mga doktor nga miatiman sa biktima kinsa nagdumili sa pagpahingalan nagkanayon nga miabot si Romero sa tambalanan nga “arrested” (flatline).

“Good that she responded when we revived her. But she has developed ‘encephalopathy (brain damage) due to anoxia or no blood circulation. Probably because of the long distance (15 km) from their barangay to the hospital,” matud pa sa maong doktor.

“So far the baby is okay but with the status of the mother in bad prognosis, we can’t say,” matud pa sa maong doktor kabahin sa gisabak sa biktima. (BANAT NEWS) 

Quote from: hubag bohol on May 19, 2011, 05:27:00 PM
Ang giingong kuryente milatay sa hayhayang alambre nga gihikot sa maong punoan sa kahoy padulong sa ilang kusina.

Hala. Kuyaw diay ning hayhayang alambre...