MikeLigalig.com

SuperBalita Cebu
Saturday, April 26, 2014


TULISAN nadakpan dihang nisukol ang gitulis nilang negosyante niadtong Biyernes sa alas 8:20 sa gabii sa Barangay Sabang, dakbayan sa Danao.

Nakulatahan sa mga tawo ang suspek nga si Junrey Gonzales, 24, ulitawo, taga Barangay Poblacion, sa maong siyudad, human siya nadakpan sam­tang nakaikyas ang kau­ban niya nga si alyas ‘Mando.”

Naluwas ang negosyanting si Angelo Danao, taga Barangay Sabang, dihang nakigbisog batok sa mga tulisan ug na-rescue sa mga silingan.

Apan akto sab nga si Police Office 3 (PO3) Arnold Labine ug mga kauban nag-roving sa lugar hinungdan nga nasikop si Gonzales, kinsa nakuhaag kalibre .45 nga pistola nga dunay silencer ug upat ka mga bala sa magazine.

Apan ang kauban niini nga giingong nangulo sa tulis nga si Mando nakasibat ug wa madakpi sa mga pulis.

Si Police Officer 2 (PO2) Ronald Gomes, desk officer sa Danao Police nga nahinabi sa dySS Super Radyo ug Sun.Star Superbalita, nagkana­yon nga ang biktima nagsakay sa iyang multicab.

Kalit lang nidikit ka­niya ang usa ka motorsiklo dayon mition og armas ang sakay dungan sa pagdiklarar og tulis.

Apan nisukol ang biktima hinungdan nga natagak ang suspek sa motorsiklo. (GPL)

Linkback: https://tubagbohol.mikeligalig.com/index.php?topic=78205.0

niabot na ang panahon nga di na angay mogamit ug motorsiklo kun manulis.  praktis na mog sakay ug silhig, mga ondo.

Linkback: https://tubagbohol.mikeligalig.com/index.php?topic=78205.0