SuperBalita Cebu » Balita
Ni Guam P. Logroño
Tuesday, September 23, 2014
NAPIKAS ang nawong human hapsi og sundang sa barkada kinsa nasuko nga giinom ang bino ug soft drinks sa biktima.
Kini nahitabgo niadtong miaging gabii sa Sitio Lib-og, Barangay Guadalupe, dakbayan sa Bogo.
Si Danilo Prias, 39, minyo nagpuyo sa nahisgutang lugar maayong pagkapikas sa toong bahin sa nawong human tigbasa og sundang sa barkada nga si Noli Pedong 39, minyo, walay trabaho.
Hinuon si Pedong, bulontaryong mitahan sa ilahang kapitan nga si Cerilo Cabahug, ug mi-turnover sa sundang ug sa .38 revolver nga may upat ka buhing bala nga gipanag-iya sa biktima.
Si PO3 Ryan Alarde, imbestigador sa Bogo Police Station, nagkanayon nga ang manghigala nalingaw sa panagtagay hangtud kini nagabhi-an.
Ang biktimang si Prias, mipadayag nga aron mas molami og motanlas og maayo ang ilang gi-inom sagulan kini og soft drinks ug ingon man itlog sa manok.
Pero si Pedong, wala maka-uyon sa idea ni Prias, kay matud pa wala siya makasuway niini.
Apan ang biktima mi-insester gyud nga sagolan niyag itlog hinungdan nga nahitabo ang ilahang panaglalis nga niresulta sa karambola.
Ang suspetsado mi-aligar nga buot siyang pusilon sa biktima hinungdan nga nikuha siya sa sundang gihapsan niya ang nawong niini.
Human sa krimen daling mi-surrender siya sa ilang kapitan, kinsa mao nay mitawag sa kapulisan, Ang biktima gidala sa tambalanan sa Bogo ug gibalhin sa dakbayan sa Sugbu tungod sa kadako sa samad.
Kasong frustrated murder ang atubangon sa suspetsado kinsa nagmahay sa iyang gihimo.
Linkback:
https://tubagbohol.mikeligalig.com/index.php?topic=79021.0
