Joseph Elvir C. Tubilan
GIDASUNAN sa Court of Appeals (CA) ang hukom sa lower court nga nagsilot sa usa ka babaye nga mabilanggo sa tiÂbuok kinabuhi tungod sa pagbaligyag gidiling drugas niadtong 2005.
Ang CA nitumbok nga sad-an si Jenevieve Juezan sa paglapas sa Sec. 5, Art. 2 sa Republic Act (RA) 9165 kun Comprehensive Dangerous Drugs Act.
Si Juezan wa mosuÂpak sa argumento sa proÂsekusyon nga nasikop siya samtang nagbaligyag shabu atol sa buy-bust operation, matod ni Associate Justice Carmelita Salandan-Manahan sa gisuwat niyang desisyon alang sa 20th CA Division.
Ning kaso resulta sa gisang-at sa kapulisan batok kang Juezan ug sa laing suspek nga si Joshua Famador niadtong Septiyembre 2005.
Ang hiniusang operasyon sa kapulisan sa dakÂbayan sa Sugbo ug mga ahente sa anti-narcotics ningsikop kang Juezan ug Famador atol sa ilang opeÂrasyon sa Barangay Labangon, dakbayan sa Sugbo.
Ang usa ka poseur-buyer nipalit og 35 gramos sa shabu kang Juezan nga nikantidad og P8,000.
Si Famador giingong maÂoy nagmaneho sa moÂtorÂsiklo nga gisakyan ni Juezan dihang nagpinalitay na sa illegal nga drugas.
Apan, si Juezan nihimakak nga nagbaligya siyag shabu.
Nitestigo siya niadtong Septiyembre 12, 2005 nga niadto siya repair shop sa motor diin si Famador nagtrabaho isip mekaniko ug gipaayo ang iyang motorsiklo.
Human naayo, si Juezan ug Famador ni-testing sa iyang motorsiklo nga modagan unya nihunong sila sa usa drug store kay nipalit siya og tambal.
Dihang si Famador mokanaog na sa motorsiklo, duha ka mga tawo ang ningduol kaniya ug nition og armas sa iyang nawong.
Giingnan si Famador sa duha ka mga tawo nga di molihok kay aduna silay dalang warrant of arrest batok kaniya.
Linkback:
https://tubagbohol.mikeligalig.com/index.php?topic=56647.0
