2 KA STUDYANTE NASIKOP SA CHECKPOINT SA PALOMPON; 11 KA PAKETE SA SHABU NASAKMIT
PALOMPON, Leyte - Duha ka mga studyante ang nasikop sa kapulisan sa Palompon, Leyte gumikan sa ilegal nga drogas sa niaging gabie.
Ang duha ka suspek giila nga sila si Vincent Abao, 22, taga Barangay Central II ug Mark Llaneta, 24, taga Barangay Sto Niño, Capoocan, Leyte.
Base sa report sa kapulisan, nagpahigayon sila og checkpoint sa Barangay San Isidro, pasado alas 10 sa gabie.
Sa dihang nagpasidong sa checkpoint ang duha ka suspek nga sakay sa motorsiklo, nabantayan sa mga pulis nga niaksyon kini og kahadlok ug medyo molikay unta sa checkpoint.
Sa dihang gipapahunong, nakit-an sa kapulisan ang suspek nga dunay gilabay nga coin purse daplin sa karsada.
Paghiling sa mga pulis, ilang nakita ang usa ka pakete nga dunay sud nga 'raisin' nga gituhoang marijuana ug laing 11 ka pakete sa gituhoang shabu.
Nakuhaan usab og mga paraphernalia, salapi, cellphone ug apil na ang gisakyan nga motorsiklo.
Gipaubos na sa qualitative ug quantitative test ang nakuhang gituhoang shabu.
Naa na karon sa kustodiya sa kapulisan sa Palompon Police Station ang mga dinakpan ug gipasakaan og kasong kalapasan sa Republic Act 9165. (John Kevin Pilapil)
* * *
Avail of easy and fast online loan at
www.tala.com Philippines
Linkback:
https://tubagbohol.mikeligalig.com/index.php?topic=123279.0
