Lechon festival himuon sunod bulan
IPAHIGAYON sunod bulan dinhi sa dakbayan sa General Santos ang 2nd Lechon Festival.
Kini ang gikumpirma ni City Veterinary Office Department Head Antonio Marin atol sa pakighinabi sa Brigada News.
Segun sa opisyal, ang maong kalingawan usa ka programa sa City Vet ug sa pakig-alayon sa South Cotabato Swine Producers Association ug Gensan Lechoneros.
Dugang pa ni Marin nga aduna silay gi-imbitahan nga 40 ka mga lechon house ug lechonero sa siyudad ug sa kasikbit nga dapit aron mag-lechon sa General Santos City Oval Plaza.
Adunay mahitabong kompetisyon usab sa mga imbitadong lechon houses ug ang ilang mga gi-lechon ang ibaligya sa publiko sa mubo nga presyo.
Kahibaluan nga una nang nagmalampuson sa miaging tuig ang Lechon Festival nga gipahigayon usab dinhi sa siyudad.
Nanghinaut karon ang nahisgutang opisyal nga suportahan sa publiko ang ikaduhang higayon sa Lechon Festival. (Roland Ortillano)
Linkback:
https://tubagbohol.mikeligalig.com/index.php?topic=41051.0