SuperBalita Cebu
Saturday, November 1, 2014
BRITISH national patay na nga napalgang naglutaw sa Mahiga Creek sa Barangay Apas, siyudad sa Sugbo kagahapon sa buntag.
Gituohang hubog nga naglakaw sa dalan ug naabot sa taytayan si Jonathan Paul Harris, 29, kagahapon sa kaadlawon sa wa pa ang hitabo.
Pasado alas 5 sa kaadlawon kagahapon dihang niresÂponde ang kapulisan sa nadawat nila nga report mahitungod sa naglutaw-lutaw nga tawo sa naasoy nga dapit.
Sa imbestigasyon ni SPO4 Alex Dacua ug sa iyang mga kauban sa Homicide Section sa Cebu City Police Office (CCPO), si Harris hubog na nga naabot sa maong dapit gikan nga nag-inom sa may Country Mall.
Usa ka amang nga babaye nga nagpuyo sa dapit nakasaksi kay nakamata siya sa iyang pagkatulog ug iyang nakita ang langyaw nga naglakaw sa taytayan ug kalit lang natagak.
Dugang niya nga napantok ang ulo sa biktima sa usa ka bato sa ubos sa taytayan nga gibana-banang dunay gilawmon nga 20 ka tiil. HBL/JFT
Linkback:
https://tubagbohol.mikeligalig.com/index.php?topic=79185.0
