Brigada News - BALAY TAMBALANAN ang gitugpahan sa usa ka babaye human gilabyan og asido ang iyahang nawong sa usa sab ka babaye samtang galakaw sa Purok Mangga, Matanao, Davao del Sur alas 3:00 niadtong milabayng hapon.
Giila ang biktima nga si Wendelyn Jervantes, 35 anyos, dalaga og mulupyo sa maong lugar.
Sa imbestigasyon, nasayran nga selos lamang kuno ang hinungdan tungod aduna kunoy relasyon ang biktima og ang bana sa suspetsado nga si alyas Gina, 42 anyos.
Dugang pa niini, dugay na kunong gipanid-an sa suspetsado nga si Gina ang iyahang mister ug ang biktima apan niadtong milabayng Biyernes sa udto, nakit-an kuno niya nga nag-uban ang biktima og ang iyahang mister sa usa ka dakong Department sa Digos City butang nga gikasuko og ayo sa suspetsado.
Human ang pagpanglabay og asido sa biktima, gilayong gidala dayon kini sa balay tambalanan samtang subling mitahan sa iyahang kaugalingon ang suspek ngadto sa kapulisan aron atobangon ang maong kaso.(Angel De Vera)
Linkback:
https://tubagbohol.mikeligalig.com/index.php?topic=50599.0
