Tanod naunay sa armas, patay
Ni GUAM P. LOGROÑO
BARANGAY tanod namatay human naunay sa iyang armas nga “sumpak†dihang nahagbong ug nibuto samtang nagsag-ob siya og tubig kagahapon sa alas 9:30 sa buntag sa Barangay San Isidro, San Fernando, Sugbo.
Si Rolando Paradero, 48, minyo, patay nang nidangat sa tambalanan sa lungsod sa Minglanila human nakaangkon og samad sa tuong dughan.
Si PO2 Edsel RicaÂblanca, imbestigador sa San Fernado Police Station nga nahinabi sa Sun.Star Superbalita, nagkanayon nga ang biktima sayo nga nagsag-ob og tubig sa puso pipila ka metros gikan sa iyang balay.
Ang silingan ingon man iyang higala nga si Ereneo nibutyag nga aksidenting nahagbong gikan sa hawak ni Paradero ang “sumpak†nga iÂÂÂyang giluklok.
Giingong pagduko niini aron alsahon ang iyang gisag-ob nga tubig, nahagbong ang sumpak gikan sa iyang hawak.
Sa pagtugpa sa yuta mibuto ug na-igo ang iyang dughan.
Ang biktima giubanan sa iyang asawa ug ni Ereneo, dali nilang gidala sa police station ug gisakay sa patrol car ug gidala sa tambalanan kay wa ang ambulansiya kay naay laing gihatod.
Apan ang biktima nga ilang gidala sa tambalanan wa na magtingog kay grabi ang kadaot sa iyang dughan tungod sa pagkabuslot gikan sa bala sa sumpak nga homemade shotgun.
“Bungkag ang iyang dughan kay duol ra man kaayo atol sa pagbuto. Pwerting kusoga maong wala makalingkawas ang biktima namatay,†dugang ni PO2 Ricablanca.
Gipatik sa mantalaang Superbalita Cebu Pebrero 21, 2016.
Linkback:
https://tubagbohol.mikeligalig.com/index.php?topic=81891.0
