MikeLigalig.com

Ni Stephanie Viovicente-Berganio
Friday, February 27, 2015


USA ka asawa ang giingong nakuyapan sa kakapoy human gigukod og sundang sa iyang bana didto sa lungsod sa Malitbog, Bukidnon.

Ang asawa itago na lamang sa pangalan nga Rina, 23; samtang ang bana niini giilang si Dominador, 25 anyos.

Misaysay ang inahan ni Rina nga mao si Adela nga dili tiaw ang gidangatan sa iyang anak nga nakuyapan gumikan sa kakapoy nga gibati human gigukod sa iyang bana og sundang.

Gisaysay niini nga nasuko si Dominador nga gikan niadtong tungora sa umahan kay walay naabtan nga pagkaon sa ilang panimalay kay diay anaa sa sentro nga bahin si Rina ug naglaag kuyog ang higala.

Apan pag-uli niini nasuko pag-ayo ang iyang bana hinungdan sa ilang panaglalis.

Gisuwayan og tigbas ang asawa apan nakadagan kini gawas sa ilang puloy-anan ug didto mipaingon sa umahan nga gigukod og ayo sa iyang bana.

Matud ni Adela nga halos unom ka kilometro ang kalay-on sa balay ni Rina ug sa ilang puloy-anan ug mao kini ang gidagan sa biktima nga gigukod sa iyang bana.

Usa pa nihunong ang iyang bana dihang miabot si Rina sa balay sa iyang inahan ug mibalik kini.

Apan si Rina tungod sa kakapoy ang giingong nakuyapan hinungdan nga gidala sa inahan sa Northern Mindanao Medical Center (NMMC) ning siyudad sa Cagayan de Oro.

Gawas niini gibati usab kini og grabeng pamaol sa lawas ug halos dili makalakaw sa kasakit sa iyang gibati.

Daw bout pasakaan og kasong frustrated murder ni Rina ang iyang bana panahon nga makagawas sa balay tambalanan.

Bikog jamo ning balitaa...