MikeLigalig.com

Ni Romeo T. Limpangog, EIM (Banat) | Updated June 28, 2015 - 12:00am
   
   
CEBU, Philippines - Duha ka lalaking giingong pirmeng mamiktima ug manghingi og kwarta sa mga drayber sa pasaheroan diha sa Brgy. Ibabao sa dakbayan sa Mandaue ang gidakop ug gipaslak sa prisohan.

Giila ni PO2 Mar Villamonte sa Presinto 1 sa Mandaue City Police Office (MCPO)ang duha nga sila si Michael Ramos, 19, ug Ramilito Sagaynoy, 19, taga Barangay Tipolo sa maong dakbayan.

Si PO2 Villamonte mibutyag nga ang mga Barangay Tanod nga sila si Arnold Carauna ug Arthuro Kilikig maoy nagdakop sa  duha dihang ilang naaktohan nga nagsige og panghingi og kwarta sa mga drayber.

Matud pa daghan nang nadawat nga reklamo gikan sa mga drayber sa binuhatan sa duha sa maong dapit. Ang duha gidakop  tungod sa paglapas sa Anti-Dispatching Ordinance sa kagamhanan sa maong dakbayan. (BANAT NEWS)

Way dag-anan si Ramos ug Sagaynoy nila ni Carauna ug Kilikig matod pa ni Limpangog.