SAMARAN ang usa ka pasahero human giluba sa konduktor niadtong Domingo mga alas 11:30 sa gabii sa Mahayag, Puerto ning siyudad sa Cagayan de Oro.
Giila ang biktima nga mao si Herbert Pellerin, 23, ulitawo, taga Puerto ning siyudad.
Si Senior Police Officer 3 Bermel Alinas sa Police Station 6 (PS6) sa Puerto nga nahinabi sa Sun.Star Superbalita niingon nga gikan namista ang biktima niadtong higayona sa Barangay Agusan.
Nisakay si Pellerin sa Bugo liner.
Hapit na moabot ang biktima dihang mihangyo kini sa konduktor nga walay siyay ikaplete ug manaog na lamang apan nasuko ang konduktor ug gusto niining ipakanaog si Pellerin.
Nidumili usab sa pagkanaod si Pellerin ug padayon sa paghangyo apan nasuko ang konduktor ug kalit lang niining giluba si Pelleren gamit ang gituohang dala-dala nga kutsilyo sa suspek.
Matud ni Alinas nga wala nailhan ang suspek human nimando kini sa driver nga biyaan ang biktima ug nisibat.
Hinuon pipila sa pasahero nga apil sa nikanaog niingon nga mailhan nila ang konduktor kung makita pag-usab dihang mitaho sa PS6. Niini, padayon pang gipangita ning panahona ang suspek. - Sun Star CDO
Linkback:
https://tubagbohol.mikeligalig.com/index.php?topic=33173.0