NILANDING sa Northern Mindanao Medical Center (NMMC) ang usa ka estudyante human kini gibunalan sa klasmeyt gumikan sa panaglalis sa English subject niadtong Martes sa buntag sa eskwelahan sa Besigan, dakbayan sa Cagayan de Oro.
Naila ang biktima nga si Francisco (bansagon gipugngan), 14, estudyante ug residente sa Besigan samtang ang klasmeyt nailang si Jericho.
Gidala ang biktima sa NMMC gumikan sa naangkon nga bun-og ilabi na sa iyang ulo human gibunalan og kahoy.
Subay sa amahan sa biktima nga nagkalalis ang duha gumikan lamang sa ilang English subject.
Giingong gikorek sa suspek ang tubag sa biktima sa ilang klase apan niabot sa punto nga nagkalalis ang duha nga miresulta gayud nga gibunalan sa suspek og kahoy ang biktima.
Sa pagsulat niini nga balita, ang insidente ang nakatala na sa kapolisan samtang ang biktima luwas ra ang kahimtang niini. (KCS)
Gipatik sa mantalaang Superbalita Cagayan de Oro Pebrero 04, 2016.
Linkback:
https://tubagbohol.mikeligalig.com/index.php?topic=81812.0
