Ni Jojo C. Ugdol (Banat) | Updated June 24, 2015 - 12:00am
CEBU, Philippines – Nagsugod na og kadugta ang lawas sa usa ka 37- anyos nga lalaki kinsa giingong naghikog gamit ang pisi sa kanding ilawom sa punoan sa lubi didto sa Sitio Ibabao, Brgy. Muabog lungsod sa Tabogon.
Ang naghikog patay naila nga si Lino Trangia, nagpuyo sa maong lugar.
Matud pa ni Police Officer 2 Jayson Gulben sa Tabogon Police nga nahinabi sa Banat News nga sa ilang gihimo nga imbestigasyon nangluod si Trangia kay kulang ang gihatag sa mga ginikanan nga pamelete paingon sa siyudad sa Sugbo. Sumala pa ni Gulben gusto unta moanhi sa dakbayan si Trangia kay manarbaho apan wala makadayon kay kulang ang iyang kuwarta.
Niadto pa’ng petsa 19 sa buntag nangluod si Trangia ug sa pagkagabii kalit lang kini milakaw sa ilang balay ug wala na nauli.
Ang iyang mga ginikanan ug mga barangay tanod sa ilang lugar nangita ni Trangia hangtod nga kini nakit-an sa awaaw ug kasagbutang dapit nga patay na.
Nasayran nga ang kanding nga maoy gihiktan sa pisi daan na nilang nabantayang naglaroy-laroy kay wala na kini pisi, apan wala sila magdahom nga mao diay kini gikuhaan sa ilang anak og pisi alang sa paghikog. – /EIM) (BANAT NEWS)
Linkback:
https://tubagbohol.mikeligalig.com/index.php?topic=80263.0
Topic: Kay kuwang ang gihatag nga pamelete, anak naghikog ginamit ang higot sa kanding (Read 1065 times)