SuperBalita Cebu
Ni Guam P. Logroño
Saturday, May 17, 2014
NAHABWA ang tinai sa lalaking kaslon unta karong Huwebes human siya nagdunggab sa kaugalingon ginamit ang sundang sulod sa ilang balay niadtong Biyernes sa alas 3 sa hapon sa Barangay Humangpas, Samboan, habagatang Sugbo.
Ang hitabo nakapakugang sa pangasaw-unon ug pamilya ni Henrito Aniñon, 24, mag-uuma, ug nagpuyo sa nahisgutang lugar nga namatay kagahapon sa alas 4 sa kaadlawon sulod sa Vicente Sotto Memorial Medical Center (VSMMC) tungod sa internal hemorrhage.
Si Aniñon gikatakdang kaslon unta sa iyang uyab nga si Mercy karong May 22, 2014.
Nagtuo ang kapulisan nga dunay gihambin nga kahiubos si Aniñon nga wa lang niya ikasulti.
Si PO1 Sergebert Jeramis, sakop sa alert team sa Samboan Police nga nahinabi sa dySS Super Radyo ug Sun.Star Superbalita, nagkanayon nga si Aniñon nasakit na og nervous breakdown.
Nasulod kini sa VSMMC psychiatric ward sa miaÂging tuig gumikan sa mao nga sakit nga magbalikbalik.
Si Jeramis niingon nga si Aniñon uban kang Mercy, apuhan nga si Mario ug ubang mga sakop sa pamilÂya nga nagtapok.
Giingong malipayon sab kaayo kini uban kang Mercy.
“Nag-estoryahanay ni sila uban sa pamilya. Nagkaon man gani siyag biscuit unya mibarog kay moinom daw og tubig. Mideretso sa kusina pero sundang ang gikuha giduslak ang kaugalingon,†dugang ni Jeramis.
Nahibulong si Mario nga may miagulo sa kusina.
Sa iyang pagsusi, nagtaroy na ang sundang sa tiyan sa iyang apo samtang nahabwa ang tinai.
Nagubot ang pamilya samtang si Mercy niangaab sa paghilak nga nagsud-ong sa iyang pamanhunon nga nag-agulo sa kasakit.
Si Mario daling nipahibawo sa ubang mga miyembro sa pamilya ug dayon sa mga pulis.
Ang biktima giputos og habol ug gidali sa pagdala sa tambalanan sa Malabuyoc, apan gibalhin sa VSMMC tungod sa grabing samad nga naangkon.
Matod ni Jeramis nga way foul play ang kamataÂyon ug suicide ang nahitabo.
“Posibling duna ni siyay gitago nga kahiubos sa pamilya, unya hilumon man sab gud ni siyang pagkatawo, burong†dugang sa pulis.
Kagahapon sa buntag gipahibawo sila sa igsoon nga si Nerisa, 29, nga ang biktima namatay kagahaÂpon sa kaadlawon.
Linkback:
https://tubagbohol.mikeligalig.com/index.php?topic=78313.0
