SuperBalita Davao
Ni Edgardo Fuerzas
Sunday, March 16, 2014
SOUTH COTABATO -- Patay ang usa ka barangay kapitan human nakighilawas sa usa ka guest relation officer (GRO) alas 3:35 sa hapon niadtong Biyernes didto sa South Cotabato.
Giila ang biktima nga mao si Reneboy (bansagon gipatago), 39, minyo ug kapitan sa usa ka barangay sa Lutayan, Sultan Kudarat.
Nasayran gikan sa spot report sa South Cotabato Provincial Police Office nga misulod ang biktima sa Jenny's Inn sa Koronadal City kauban ang usa ka GRO nga si Joviel, 23 anyos.
Pipila lang ka gutlo ang milabay samtang nagtagay sa kalipay ibabaw sa kama, kalit lang naglisud pagginhawa ang kapitan.
Tungod sa nahitabo, nagpakitabang ang GRO sa mga empleyado sa Jenny's Inn.
Gidala dayon ang kapitan sa South Cotabato Provincial Hospital, apan nakabsan sab dayon sa iyang kinabuhi.
Ang kapitan gidudahan nga giatake sa kasing-kasing dihang nakighilawas hinungdan sa iyang kamatayon.
Sa kasamtangan, gipailawom pa sa otopsiya ang patay nga lawas sa biktima aron maseguro nga walay foul play sa iyang kamatayon.
Linkback:
https://tubagbohol.mikeligalig.com/index.php?topic=77925.0
