MikeLigalig.com

Ni Brenda D. Batuto (Banat) Updated January 14, 2012 12:00 AM


CEBU, Philippines - Usa ka American national kinsa giingong kanhi sakop sa US Marine gipriso sa kapolisan human kini manghasi sa barangay kapitan sa San Roque, dakbayan sa Talisay sa miaging Huwebes sa hapon.

Ang suspetsado mao si Steven Scott, 46, minyo ug temporaryong nagpuyo sa maong dapit. Sumala sa kapolisan nga si Scott kinsa hubog kaayo sa maong higayon miadto sa balay ni Kapitan Antonio Cabrera ug nagsinggit-singgit og bastos.

Busa gibadlong kini ni Cabrera , apan imbis mokalma nanghagad na hinuon og sinumbagay ug nanghulga pa sa pamilya sa kapitan nga nagkanayon “I will kill you”.

Gawas kang Cabrera ug sa pamilya niini gihulga usab sa maong Amerikano ang mga kagawad sa barangay nga sila si Rafael Chan Jr. ug Ernesto Reyes lakip sa mga tanod nga sila si Samuel Batican, Placia Daan Jr., ug Matias Antifuesto.

Sa imbestigasyon sa mga polis si Scott kinsa giingong hubog kaayo, isog kining miadto sa balay sa kapitan ug nagsinggit-singgit ug dili maayong mga pulong.

Si Cabrera mipasangil nga puwerting isoga sa maong langyaw kay ultimong tugaok sa manok mohiwasa kini sa kasuko. Mga kasong gisang-at batok ni Scott mao ang direct assault, pagbinastos ug pagpanghulga. Nagkagulkol siya karon sa prisohan sa Talisay.

Hmm, basin gimingaw sa pinatyanay...

unsa kaha ang nasuk-an sa ugis 

Hmm, basin mahilig mosiyaok og "My Way" ang kapitan sa videokehan kada gabii...

Quote from: hubag bohol on January 14, 2012, 09:14:09 AM
Hmm, basin mahilig mosiyaok og "My Way" ang kapitan sa videokehan kada gabii...

Bwahahaha!!! Napuno na diay... 

Quote from: chicogon on January 14, 2012, 02:33:30 PM
Bwahahaha!!! Napuno na diay... 

Quote from: hubag bohol on January 14, 2012, 08:21:30 AM
Si Cabrera mipasangil nga puwerting isoga sa maong langyaw kay ultimong tugaok sa manok mohiwasa kini sa kasuko.

Unya inigkahuman og singgak sa kapitan, kaadlawon na, magsugod na pud pagtuktugaok ang gatosan niya ka hiniktan...