Ni KRIS C. SIALANA
BALI ang hawak ug tuhod sa usa ka ulitawo hinungdan sa hinanali niini nga kamatayon human kini nahulogan og bato niadtong Martes sa hapon sa Lingion, Manolo Fortich, probinsiya sa Bukidnon.
Patay si Rodel Solera, 20.
Sa impormasiyon gikan sa Northern Mindanao Medical Center ning dakbayan sa Cagayan de Oro diin gidala ang biktima, gibutyag sa amahan niini nga si Patrocenio nga samtang kamulo og tahi sa mga sako ang iyang anak wala kini makabantay sa naligid nga dakong bato.
Giingong nag-quarry kini sa dapit ug wala makamatikod sa dakong bato sa taas nga bahin sa dapit hinungdan sa disgrasya.
Gidala sa nahisgutang balay tambalanan ang biktima apan pipila ka oras nakabsan gihapon kini sa kinabuhi.
Gipatik sa mantalaang SuperBalita Cagayan de Oro Agosto 06, 2015.
Linkback:
https://tubagbohol.mikeligalig.com/index.php?topic=80714.0
