MikeLigalig.com

SuperBalita Cebu
Thursday, July 11, 2013


NAGPADALA og suwat ang National Bureau of Investigation (NBI) 7 ngadto sa Cebu City Police Office alang sa pagpangayo og spot ug progress report sa lamok-lamok sa Kuerks Restobar sa Dan Pelaez, Dakbayan sa Sugbo nga giklambigitan ni Konsehal Gerardo Carillo.

Pormal nang nadawat sa NBI ang request ni Ca­rillo alang sa pagsusi sa hitabo nga iyang giklambigitan, diin siya gipasanginlan nga nanghapak og bato sa ulo sa batan-on nga si John Niño Po­goy, nga giingon apil usab sa kagubot.

Nabuak ang bagolbagol sa batan-on atol sa hitabo hinungdan nga nalandig sa Vicente Sotto Memorial Medical Center (VSMMC) diin siya gi-operahan.

Si Atty. Rennan Oliva maoy gitahasan ni NBI 7 Director Antonio Pagat­pat nga mosusi sa hitabo.

Linkback: https://tubagbohol.mikeligalig.com/index.php?topic=73819.0

Ang Homicide Section sa CCPO nagtinguha pagpasaka og kaso batok ni Carillo, kinsa maoy gitumbok sa tulo ka mga kauban ni Pogoy nga maoy nibunal og bato sa ulo sa biktima.

Nanghimakak si Carillo ning mao nga alegasyon bisan kon iyang giangkon nga diha siya hitabo aron pag-uwang sa duha ka mga grupong nagrambol.

Iyang gihimakak nga iya ang mao nga resto bar kay iyaha kini sa mga ginikanan sa iyang hinigugma.

Andam si Carillo nga moatubang sa bisan unsang imbestigasyon ug sa unsa mna nga kaso nga ipasaka batok kaniya. (Astra Zina D. Logarta)

Linkback: https://tubagbohol.mikeligalig.com/index.php?topic=73819.0