Saturday, November 12, 2011
PATAY ang usa ka 24 anyos nga lalaki human siya matumbahi sa kahoy nga iyang giputol didto sa Barangay Cabantian, distrito sa Buhangin, syudad sa Davao.
Nahitabo ang insidente alas 7:30 sa buntag kagahapon nga miresulta sa kamatayon sa biktimang si Henry Abad Perez, 24, minyo ug nagpuyo sa Forestal, Barangay Cabantian.
Sa blotter sa Buhangin Police Station, nasayran nga giputol sa biktima ang ilang mangga kauban ang duha ka mga higala nga nakasaksi sa hitabo.
Gibira sa mga kauban sa biktima ang kahoy gamit ang pisi didto sa luna sa pamilyang Gakasan sa Kilometer 11, San Roque, Cabantian.
Daling gitabang ang biktima ug gidala sa Southern Philippines Medical Center, apan gideklara siyang dead on arrival sa mga doktor.
Anaa karon gihaya ang patayng lawas sa biktima sa usa ka punerarya sa Buhangin. (Blue Cordero) --Gipatik sa mantalaang SuperBalita Davao Nobiembre 13, 2011. [/i]
Linkback:
https://tubagbohol.mikeligalig.com/index.php?topic=44260.0
