-A A +ANi Guam P. Logroño ug Vincie L. Monterde
GIDEKLARAR na sa kapulisan nga public enemy number one ang anak ni Talisay City Mayor Socrates Fernandez nga si Joavan human nakaeskapo sa prisuhan sa Talisay Police niadtong Miyerkules sa gabii.
Si Chief Supt. Marcelo Garbo Jr., direktor sa Police Regional Office (PRO-7), nideklarar kang Joavan niini human siya nimando og manhunt operation ug pagsikop kang Joavan sulod sa 24 oras.
Kini samtang girelibuhan ang jailguard nga maoy nagbantay kang Joavan dihang siya nieskapo.
Si Supt. Elmer Lim, hepe sa kapulisan sa Talisay, niingon nga iyang imbestigahon si PO3 Leandro Azarcon.
Wa na mahimuot si Garbo sa pagpabadlong ni Joavan kay nakahasol na og maayo kanilang mga pulis samtang sila nangandam sa umaabot nga election.
Giawhag usab niya ang publiko sa pagtaho kanila kon ilang makit-an si Joavan.
Sa samang higayon, wa niya isalikway ang posiblidad nga magkapinusilay ang iyang mga sakop ug si Joavan sa panahong ilang makit-an ug mosukol sanglit kini armed and dangerous.
“For the moment, we consider him as public enemy number one. He has caused a lot of problems in the province,†pasabot ni Garbo.
Mo-surrender man o di si Joavan, ila kining paÂngitaon hangtod nga madakpan.
“He’s a fugitive, may pending case siya, bench warrant, pending case with us anything is possible, hindi natin masasabi kung anong mangyayari†asoy ni Garbo.
Kinsay nalambigit
Ila usab nga tan-awon ang kalambigitan sa ubang mga tawo nga nitabang kang Joavan aron makaeskapo sa miaging gabii nga mao usay iyang gimando kanila ni Sr. Supt. Patrocinio Comendaor, direktor sa Cebu Provincial Police Office (CPPO), ug kang Lim.
Gusto niyang manubag ang mao nga mga tawo, labina kay puwa og plaka ang sakyanan nga gisakyan ni Joavan sa pag-eskapo.
Kon dunay kalambigitan si Fernandez, lakip kini sa ilang pasakaan og kaso.
Si Azarcon nipasabot sayo pa nga nihangyo kaniya si Joavan nihangyo nga mogawas sa selda aron mogakos ug mohawok sa iyang mga anak.
Apan dihang nakagawas na, nikaratil kini sa pagdagan paingon sa gawas diin naghuwat ang usa ka Mitsubishi adventure nga dunay plate number SJT 488 nga nadestino sa buhatan sa iyang amahan.
Nisirit dayon pagdagan ang sakyanan nga giiÂngong gimaneho sa usa ka job order employee.
Soc way labot?
Si Fernandez, sa taho sa sibyaanang dyAB, nanghimakak nga nasayod siya sa pag-eskapo sa iyang anak.
Gani, nakahilak siya dihang gipahibawo siya sa gibuhat ni Joavan.
Samtang, si Lim nga nahinabi sa mga tigbalita sa headquarters sa CPPO, niingon nga ilang doblihon ang ilang paningkamot nga madakpan pagbalik si Joavan.
Sumala niya nga wa pa makagawas sa dakbayan sa Talisay si Joavan base sa ilang impormasyon nga nakuha.
‘Kon giunsa namo sa una nga amoa siyang nadakpan, among paningkamutan nga doblihon ang among paningkamot nga madakpan siya pagbalik,†saad ni Lim.
Gipadayag niya nga dakong kalapasan ang nahimo ni Azarcon nga nitugot kang Joavan, nga makagawas sa selda sa alas 11 pa sa gabii.
Si Comendador, sa iyang bahin, uyon sa deklarasyon ni Garbo nga ibutang nga public enemy number one si Joavan sanglit makadaghan na niini giyaga-yagaan ang justice system.
Linkback:
https://tubagbohol.mikeligalig.com/index.php?topic=72764.0