MikeLigalig.com

Ni JOHN PAUL V. PEPITO


USA ka 21 anyos nga anak nga adik nitigbas sa iyang 62 anyos nga inahan human wa hatagi og P10 pangpalit og yosi.

Ang inahan nga si Marcosa Alinsunod sa Purok Tambis dumpsite, Brgy. Umapad, dakbayan sa Mandaue nakaangkon og mga samad sa ulo ug lawas human gitigbas sa iyang anak nga si Ryan, kinsa sabog sa drugas niadtong Huwebes sa hapon.

Si Alinsunod naigo ka­duha sa walang bahin sa iyang ulo ug kaduha usab sa iyang bukobuko.

Sa dihang nahinabi ning mantalaan, giangkon mismo ni Ryan nga sabog siya niadtong panahuna maong nahimo niya ang maong krimen “Nawagtangan tungod sa shabu ba. Nawagta­ngan sa akong kinabuhi,” matod sa batan-on.

Gamit ang 19 pulgada nga sundang, gitigbas ni Ryan ang iyang inahan human wa siya hatagi og para sigarilyo.

“Resulta siguro anang wa’y tug-tug ba, sige’g inom (maong akong gitigbas),” matod niya.
Human sa hitabo, gitabangan usab siya sa pagkulata sa iyang mga igsuon.

Giangkon sa suspek nga nagbasol siya sa iyang gibuhat.

Ang inahan sa biktima kasamtangang nagpaalim sa Vicente Sotto Memorial Medical Center.

Ang maguwang sa suspek nga si Lisa Paraiso maoy nangunay pagdakop sa suspek ug mi-turn over niini ngadto sa kapulisan sa Opao Police Station.

Tungod sa pagkagumon sa iligal nga drugas, nag-inusarang nagpuyo ang biktima nga way trabaho ug gisuportaan lang sa iyang mga igsuon human gibiyaan sa iyang kapuyo.


Gipatik sa mantalaang SuperBalita Cebu Septembre 27, 2015.

Linkback: https://tubagbohol.mikeligalig.com/index.php?topic=81051.0