Nila ni Brenda Batuto ug Carissa Mae R. Quillo (Banat) Updated April 29, 2011 12:00 AM
CEBU, Philippines - Usa ka 40-anyos nga inahan nga adunay problema sa pangisip ang giingong giunay sa paglugos
sa iyang 18-anyos nga anak niadtong Miyerkules sa gabii sa usa sa mga barangay sa lungsod sa Bantayan.
Ang igsuon sa biktima ang giingong nakasakop sa gibuhat nga pagpanglugos sa pag-umangkon niini ngadto sa inahan sa naulahi.
Si PO1 Faith Rodrigo, Bantayan Police Station Women and Children Protection Desk Officer mibutyag nga ang balay
sa biktima ug sa igsuon niining lalaki lima ka metros lang ang distansiya.
Mga alas 5:00 sa buntag niadtong Miyerkules giingong nakabati sa kalit nga pagsinggit sa igsuon (biktima) hinungdan nga dali niya kining gidagan ug gisusi.
Mao nalay iyang kakugang dihang iyang nakit-an ang pag-umangkon nga pinabarog nga posisyon nga miamong-among sa iyang igsuong may sakit sa pangisip.
Matud ni Rodrigo nga dihang nakita sa suspetsado ang iyang uyoan nga pwerteng sukoa dali kining mikaratel og dagan palayo sa lugar.
Samtang ang biktima tungod sa kakulian sa pangisip mipunit og silhig ug gilabay ang mirespondeng igsuon.
Human sa maong insidente ang igsuon sa biktima misulti ngadto sa ilang mga ginikanan kabahin sa gibuhat sa iyang pag-umangkon ug gikasabotan nila nga ipapriso kini.
Inabagan sa mga barangay tanod nasikop ang suspetsado alas-9 na sa gabii sa samang adlaw samtang natulog ibabaw sa
punoan sa manga ug gipaslak sa karsel sa kapolisan. (EIM)(BANATNEWS)
Linkback:
https://tubagbohol.mikeligalig.com/index.php?topic=40439.0
