Ni Sheila C. Gravinez
LIMA ka adlaw na lang sa dili pa opisyal nga mahimong ikaduhang santos sa nasod si Beato Pedro Calungsod.
Ang imahen ni Calungsod gikatakda na nga dad-on paingon sa Roma karong adlawa alang sa canonization rites pagbayaw niini pagka santos sa simbahang Katoliko.
Alas 5:20 kagahapon sa hapon, gipahigayon ang prosesyon pagbalhin sa imahen gikan sa Archbishop’s Palace ngadto sa Pedro Calungsod Shrine, pipila ka metros lang ang gilay-on ug anaa ra usab sud sa compound sa palasyo.
Gikan sa shrine, alas 4:30 karong kaadlawon dad-on ang opisyal nga imahen nga isud og urna sa Cebu Metropolitan Cathedral diin usa ka santos nga misa ang saulogon ni Msgr. Roberto “Boy†Alesna.
Alas 8:00 karong buntag, ibiyahe na ang imahen gikan sa cathedral paingon sa Mactan Cebu International Airport pinaagi sa motorkada nga magsubay sa pareha og rota sa Traslacion.
Ang mga estudyante sa mga tunghaan nga maagi-an sa motorkada giawhag sa paglumbay sa kadalanan isip pagyukbo sa umaabot nga santos.
Gipatik sa mantalaang SuperBalita Cebu Oktubre 16, 2012.
whag sa paglumbay sa kadalanan isip pagyukbo sa umaabot nga santos.
Gipatik sa mantalaang SuperBalita Cebu Oktubre 16, 2012.
Linkback:
https://tubagbohol.mikeligalig.com/index.php?topic=55897.0
