Ni DOMILYN R. PICO
TUNGOD sa intriga, usa ka trabahante sa kan-anan ang gilaparo og plato sa kauban niini alas 9 sa buntag sa Huwebes didto sa Purok Tadina, Mankilam, dakbayan sa Tagum.
Nakaangkon og samad sa nawong ang biktima nga giilang si Sheryl Cuyo Gustilo, 36.
Kalit matud pa nga giatake ang biktima sa suspek nga giilang si Janet, kinsa kauban niini sa kan-anan nga wala panganli.
Sa pagpanubay sa SuperBalita, nasayran nga nahitabo ang insidente gumikan matud pa sa intriga, base sa blotter sa kapulisan.
Sumala pa nga giintriga matud pa ang suspek sa biktima nga magdala og plato hinungdan nga nag-away sila.
Apan matud sa biktima nga nagpasidaan lang siya nga di mokompiyansa kay basin ang suspek mamitbit og plato.
Girekomenda sa kapulisan sa Tagum City Police Station ngadto sa reklamante nga dad-on ang kaso ngadto sa barangay aron nga didto kini husayon.
Gipatik sa mantalaang SuperBalita Davao Septembre 25, 2015.
Linkback:
https://tubagbohol.mikeligalig.com/index.php?topic=81049.0