NAKABSAN sa iyang hinulamang kinabuhi ang usa ka lalaki nga hubog dayon natulog.
Ang biktima nailhang si Luciano Cadorna, 49 anyos nga taga Purok 2, Barangay Ligaya ning dakbayan sa Heneral Santos.
Matud sa asawa sa namatay nga si Zenaida, kanunay ang pag-inom sa iyang bana sulod sa duha ka adlaw sukad pa niadtong miaging adlaw nga sumad sa natawhan sa biktima.
Matud sa asawa, ning miaging adlaw human mikaon gilayon nga misulod sa ilang lawak ang bana aron matulog.
Apan sa pagsulod niini sa ilang lawak paglabay sa pipila ka oras, nasayran na lamang niini nga bugnaw na ang lawas sa iyang bana og nakaihi pa.
Gilayon nga gidala sa balay tambalanan ang biktima apan patay na kini. (Roland Ortillano) - source: Brigada News
Linkback:
https://tubagbohol.mikeligalig.com/index.php?topic=41487.0
