Ni Jeepy P. Compio
Sun Star
DAVAO CITY - Gipaslak sa selda sa Sasa Police Station ang usa ka hubog kinsa gireklamo sa inahan sa 5-anyos nga batang babaye human gikuot niini ang kinatawo alas 7:30 sa gabii niadtong Dominggo.
Ang bata gitago sa pangalang Apple, residente sa Doña Salud, Barangay Sasa, ning siyudad.
Ang suspek mao si Romeo (bansagon gitago), 50, residente sab sa maong dapit.
Ang amahan sa bata ug ang Purok Leader nga si Filipina Catan ang mihatod sa suspek sa presinto sa kapulisan human sa hitabo.
Gisaysay sa spot report sa Women and Children Protection Desk (WCPD) sa kapulisan sa Sasa nga nagpalit lamang ang bata og makaon sa tindahan diin nanglingkod sa bangko ang suspek nga lango sa ilimnong makahubog.
Giingon nga iyang gitawag ang bata dayon gipalingkod sa iyang kilid, ug gisulod ang iyang kumagko sa kinatawo sa bata.
Tungod sa kahadlok sa bata, misiyagit siya gumikan kay gihilabtan na siya suspek.
Dihang nadungog sa bata ang tawag sa iyang inahan, kalit siyang midagan, nabuhian sa susek.
Misumbong ang bata sa iyang inahan mao nga gireklamo nila ang hubog ngadto sa purok leader.
Gilimod sa suspek ang pasangil kaniya gumikan kay igo lang siyang nakighigala sa bata.
Samtang gisuwat kining balita, gihatod ang suspek ngadto sa korte aron idemanda sa kasong Acts of Lasciviousness.
Linkback:
https://tubagbohol.mikeligalig.com/index.php?topic=73314.0
