Si PO3 Emelio CarunÂgay, imbestigador sa kaso nga nahinabi sa Sun.Star Superbalita, niÂingon nga niadtong Dominggo sa gabii, dunay boksing nga gipahigayon sa gym.
Dason ni Carungay nga pasado alas 11:00 sa gabii, si Abella uban sa iyang mga sakop niadto sa gym alang sa police viÂsibility sa pagmintinar sa kahusay ug kalinaw.
Apan, ang hepe ug konsehal nagkalalis sa wala pa matino nga hinungdan.
Ang hepe nigawas aron pagtuÂbag sa sugo sa lawas kilid sa gym apan nisunod ang konsehal ug iyang gipusil ang hepe sulod sa lima ka higayon.
Ang hepe naigo sa bukobuko, tangkugo, tuong tiil, ug ilok.
Nahitabo ang sinukliay sa mga bala tali sa ubang kapulisan ug delos Santos, sumala ni Carungay.
“Murag pelikula sa telebisyon ang nahitabo kay gitapuk-an sa mga osyusero, midugok gyud bisan nagpinusilay hinungdan nga lisod ang sitwasyon kay kuyaw duna pay laing maangol,†dason ni Carungay.
Busa way nahimo sila si P03 Eduardo Santander, P02 Howard Mayno atol sa nahitabo tungod sa kadaghan sa mga tawo nga nagdinaganay.
Ang suspek nga konsehal nisagol sa pagdagan sa mga tawo apan gigukod sa awtoridad hangtod sa ilang balay nga atbang lang sa gym.
Nisukol ang konsehal pinaagi sa pagpusil sa kapulisan apan wala kini makaigo.
Niabot og 45 minutos ang negosasyon una nitahan ang suspek.
Nakuha gikan sa suspek ang usa ka kalibre .45, usa ka magazine ug tulo ka bala.
Linkback:
https://tubagbohol.mikeligalig.com/index.php?topic=78909.0
