CEBU CITY -- Usa ka Haponesa nga nagpatultol sa usa ka resort gilugos sa usa ka tinun-an sa criminology nga mogiya unta kaniya niadtong Miyerkules sa alas 2 sa hapon sa hilit nga lugar sa Barangay Ocoy, Sta. Fe, Isla sa Bantayan.
Si Kane (di tinuod niyang ngan), 27, kasamtangan nagpuyo sa Barangay Talisay, Sta. Fe, nangayog pakitabang sa kapulisan sa lungsod human sa hitabo.
Nasikop ang suspek nga si Loreto Aljun Illiot Espinosa, 21, taga Barangay Ocoy, 3rd year student sa Criminology sa usa ka tunghaan sa dakbayan sa Bogo.
Si PO2 Jeffrey Barco, imbestigador sa Sta. Fe Police Station nga nahinabi sa Sun.Star SuperBalita, nagkanayon nga ang biktima niabot sa ilang buhatan niadtong Miyerkules sa hapon.
Nitug-an kini kaniya nga nabiktima siya sa pagpanglugos sa usa ka lalakeng batan-on sa Barangay Ocoy.
Ang biktima niingon nga upat pa lang siya ka adlaw sukad nga niabot sa dapit ug moestar unta dinhi sa nasud og tulo ka buwan.
Nagbisiklita siya gikan sa Barangay Talisay ug sa pag-abot sa Barangay Ocoy, iyang nakit-an si Espinosa nga nagbisiklita usab.
Nangayo siyag abag sa pagtultol sa Nature’s Park Resort aron duawon.
Ang resort nahimutang sa barangay nga sakop sa lungsud sa Bantayan.
Ang suspek nigiya kaniya paingon sa maong resort apan sa iyang kahibung, gidala siya sa awaaw nga dapit daplin sa pangpang nga nag-ambo sa dagat sa Barangay Ocoy nga dunay daghang bakhaw.
Gihagad siya sa suspek og sex apan iyang gibalibaran.
Tungod sa pagbalibad sa biktima, gituok siya ug gigamitag pwersa, gihadlok nga patyon.
“Bisag giunsa niyag sukol, nalupig gyud ang biktima unya nahadlok sab nga patyon. Wala siyay nahimo, gihuboan siya’g panty ug pantalon. Nilampos ang suspek,†dugang ni Barco.
Human nakuha sa kapulisan ang impormasyon, gikuÂyog nila ang biktima ug nasikop si Espinosa.
Ang suspek, dihang gidakop, hugtanong nanghimakak sa pasangil kay gitumo-tumoan lang siya sa Haponesa.
Ang biktima giabaÂgan gilayon nila uban kang SPO1 Sheila Illustrisimo, chief women’s and children’s protection desk (WCPD).
Ila kining gipahiling sa ilang municipal health officer ug positibong nahilabtan.
Subay niini ang consular office sa Japan dinhi sa Pilipinas ni-cordinate na usab sa kapulisan sa Sta. Fe ug miabag sa ilang kababayan.
Giandam na nila ang tukmang kasong ipasaka batok sa suspek samtang gi-secure sab nila ang biktima sa Sta. Fe. (Sun.Star SuperBalita Cebu)
Linkback:
https://tubagbohol.mikeligalig.com/index.php?topic=71792.0